Biluð loftkæling.

Úps, loftkælingin á skrifstofunni er biluð og hitinn úti mikill. Það er þó bót í máli að það er ekki sól. Vöknuðum við rigningu í morgun, alsæl að fá loks rigningu. Það er nefnilega þannig að það kólnar alltaf svolítið eftir rigningu. Íbúar Sevilla eru beðnir að vera ekki að álpast út í dag nema þeir eigi erindi því búist var við að hitinn þar færi yfir 40C í skugga. Þessu fylgir svo alltaf skógareldar því miður. Víða um landið eru eldar en í morgunfréttunum var sagt að alls staðar væri búið að ná stjórn á þeim. Sumstaðar hefur fólk þurft að flytja úr húsum sínum því þau voru í hættu.

Ég ætla að eiga svo afslappaða helgi, helst ekki gera neitt nema færa mig á milli rúmmsins og sólbekkjarins, langar samt á ströndina. Trúið þið því að ég fór aldrei á ströndina í fyrrasumar, og ekki hef ég farið í sumar. Þetta er náttulega engin frammistaða, sérstaklega þegar litið er til þess hvað hollt er að baða sig í sjónum. En þetta vill gerast þegar maður hefur pottinn á terrasinu og sundlaug á hæðinni fyrir ofan. Svo er spurning, skyldu plön mín um afslöppun rætast! Frekar ólíklegt þar sem gestir eru að koma í og fara úr 23 íbúðum laugardag og sunnudag. Sú sem er á vakt veit hvað hún hefur að gera, en á svona helgum skríða nú bossarnir undan sænginni og hjálpa til, annað væri bara dónaskapur við stúlkuna. En hvernig væri að ég færi að fara út að borða eitthvað, klukkan er 15.00. Gabriel í líkamsræktinni eins og aðra daga, hann fer að verða að engu drengurinn, nei, nei engin hætta á því en hann er skrambi flottur.

Það er þegar búið að skemma afslöppunina fyrir mér, fékk símtal þar sem mér var sagt að sendiboði væri á leiðinn með miðana á Gala eitthvað sem við erum boðin til á laugardagskvöldið, ég var búin að gleyma því. Svo þá er bara að huga að klæðnaði fyrir fínheitin. En núna ætla ég ekki að láta neitt stoppa mig í því að fara út í hádegismat, kl. 15.30.

Fært undir . Engin ummæli »

Hún á afmæli í dag!!!

Tara Kristín Bergmann er eins árs í dag. Og auðvitað er hún flottasta og best gefna stúlkubarn í heimi. Hún er aðeins að byrja að ganga og nýtur lífsins í botn þessa daga sem hafa verið svo heitir og góðir á Íslandi. Til hamingju Tara Kristín.

Óskar Marinó hringdi í ömmu sína í gær til að forvitnast um vatnsrennibrauta garðinn Aqualandia, spurði hvort rennibrautirnar væru opnar og hvort amma vildi fara með honum þangað. Það var svo gaman að tala við hann, hann hefur þroskast svo mikið frá því ég var á Íslandi í mars, svo hefur hann aldrei verið mikið fyrir að tala í síma svo þetta var ný reynsla fyrir mig. Hann og fjölskyldan eru farin að hlakk mikið til að koma enda ekki nema vika þar til.

Ég er líka farin að hlakka mikið til að fara til Osló að hitta uglurnar og halda upp á 20 ára afmæli hópsins. Það er búið að skipuleggja dagskrá og stendur mikið til. Ég segi ykkur frá því þegar ég kem til baka. 

Allir eru hressir og kátir hér, enda annað ekki hægt þar sem hitinn er farin að teygja sig vel yfir 30C. Á þessum árstíma eru kvöldin stórkostlegust. Að sitja úti við kertaljós eftir að dimmir og telja stjörnurnar er notalegt. Eða sitja í pottinum með kalt hvítvín. Hvað er hægt að hafa það betra.? Það hefur verið mikið að gera í samkvæmislífinu hjá okkur, eða öllu heldur “út að borða” lífinu. Hér eru og hafa verið kunningjar og nú er hér Ragna “mágkona”, systir Guðjóns og Unnur Margrét dóttir hennar. Unnur varð 17. ára á laugardaginn og við fjölskyldan héldum upp á það á sunnudagskvöldið með stórkostlegum mat og góðu víni á veitingastsað í Altea. Þar sem Unnur M. er hér með vinkonum sínum héldu þær upp á afmælið á afmælisdaginn.

Jæja, áfram að vinna.

Fært undir . Engin ummæli »