Dagur hinna dauðu eða allra heilagra.

Í dag er frídagur. 1. nóvember er Dagur allra heilaga á Spáni og víðar í kaþólskum löndum en í Mexikó heitir hann Dagur hinna dauðu. Þá klæðir fólk sig í grímubúninga og í Mexikó fer fólk í kirkjugarðana með nesti og skemmtir sér með framliðnum. Það er gert af virðingu fyrir dauðanum. Hér er einnig farið í grímubúninga en fólk skemmtir sér á götum og skemmtistöðum. Í Ameríkunni heitir þessi dagur Hallowen (vona að þetta sé rétt skrifað). Við erum með svipaðan sið, þ.e. graskerin eru notuð sem kertaluktir ofl. en fólk fer ekki og gerir grikki í húsum. Binni minn fór að skemmta sér með vinum sínum í gærkvöldi klæddur sem skrattinn. Örugglega verið mjög gaman. 

Við Binni, Guðjón og ég fórum í biðröðina sem ég bloggaði um áður. Fórum í gærmorgun og vorum komin rétt fyrir 06.00. Þá var komin nokkur röð en þeir sem fyrstir komu höfðu komið kl 23.30 kvöldið áður. Hjón sem komu eftir okkur (Englendingar) reyndust vera gamlir viðskiptavinir mínir, ég seldi þeim fasteign þegar ég vann í Albir. Svo við áttum skemmtilegar samræður af og til sem stytti biðina, einnig blönduðust tvær eldri konur í samtalshópinn. Spennan hjá okkur var nokkur þar sem við virtumst vera á mörkum þess að fá númer. Það er úthlutað 36 númerum á dag og vorum við í kringum 30. númerið en vissum ekki hvort myndi fjölga í röðinni fyrir framan okkur, fólk kemur ekki alltaf allt saman heldur fer einn og stendur fyrir fjölskyldu sína. Þegar klukkan var farin að nálgast 09.00 var röðin fyrir aftan okkur orðin mjög löng og spenna í loftinu. Loks kom út konan sem úthlutar númerinum og ÚPS, við fengum númer, líka Englendingarnir fyrir aftan okkur sem voru að gera 4 tilraun. Allt gekk þetta svo vel fyrir sig og við komin með okkar grænu kort. Gamla “residensían” fallin úr gildi. Það er mikið frá þegar þetta er búið, því ekki er hægt að kaupa, selja eða gera önnur viðskipti nema hafa þetta plagg.

En í dag ætla ég að taka því rólega og elda góðan mat. Koma Gabriel á óvart með saltfiskrétti sem ég tók af blogginu hjá honum Ragnari Frey sem þið getið klikkað á hér til hægri á minni síðu. Hann er mjög skemmtilegur kokkur og gerir margt frumlegt.

Fært undir .

2 ummæli við “Dagur hinna dauðu eða allra heilagra.”

  1. Magga ritaði:

    Til hamingju með grænu kortin. Það hlýtur að vera gott að vita, að þurfa ekki að fara á fætur og út á ókristilegum tíma til að hanga í biðröð.

  2. Sigga systir; ritaði:

    Til lukku með grænu kortin. O-hvað ég vildi vera í mat hjá þér í dag. Svo sem eins og alla dag eins mikill lystakokkur og þú ert. Ekkert var litlu systir af þessum genum gefið.
    En það er svo margt sem maður þarf að sætta sig við, HA HA.
    Og saltfiskur í þokkabót ummmmm… ég fæ vatn í munninn. Er ekki kalt gott hvítt með ?? :)
    Heyrumst fljótlega, kossar og knús, litla sys SIGGA