Tölvan að fara í frí.

Það er nú eins gott að blogga örlítið á meðan tækifæri er á. Tölvan mín er að fara í frí til Amsterdam á morgun. Ekki að ég fái að fara með, ó nei. Binni minn er að fara á tölvufund með vinum sínum úr tölvuheiminum og hann þarf svona fína ferðatölvu eins og mína með sér, svo mamma aumkaði sig yfir drenginn og tölvan mín fer með.

Annars er lítið að frétta héðan, allir hressir og kátir. Ég að byrja aftur í líkamsræktinni eftir óhöpp sumarsins. Stóratáin sem brotnaði er enn að trufla mig en ég læt það ekki stoppa lengur. Ræktin hefur alltaf sama aðdráttarafl. Svo hlakka ég til helgarinnar því ég ætla helst ekki að gera neitt. Og á morgun og föstudag ætla ég bara að vinna hálfan daginn, nota tölvuleysið sem afsökun. Ef veðrið helst óbreytt verð ég í sólbaði.

Góða helgi öll sömul og láti heyra frá ykkur.

Fært undir .

2 ummæli við “Tölvan að fara í frí.”

  1. Dísa ritaði:

    Þetta er auðvitað mjög sniðugt að senda tölvuna í frí þá er maður ekki að eyða tímanum í einhverja vitleysu. Ef þér leiðist í sólbaði um helgina getur þú komið í kaffi á laugardaginn.

  2. Sigga Rúna ritaði:

    fínt bloggið hjá þér kona og mér líkar sérstaklega uppskriftirnar, frábært að fá smá krydd í tilveruna og breyta til hérna á klakanum. Ég væri sérlega til í að þú sendir mér uppskriftina að Ministrone súpunni?? E-mailaðu hana endilega til mín.
    Haltu áfram skemmtilegheitunum. Tara sendir fingurkoss :-)